踏入08年, 係時間07年我既大事件回顧! 07年對我黎講, 開心同唔開心既都有, 所以時間都算過得算快。08年, 我希望可以順順利利, 最緊要既就係, 嘻嘻! 達成自己既願望...

好! 就由一月份開始順序黎個回顧喇...

(閱讀全文)

一係唔撞, 兩日內撞返好多舊同學, 名單如下...

中學:
周興 - 宜家日日都撞到佢, 因為大家搭埋同一班k51...
昌少 - 響東涌quicksilver outlet度撞到佢, 響入面做sales~
韓同學 - 都係差唔多日日撞到, 不過因為以前唔多熟, 所以佢未必認得我!

大學:
prima - year 1既同學, 差唔多兩年無見過, 今晚一齊搭67M返屯門~

15.10.2006
0:59

記得細細個時, 人人都係鬥高分, 如果a同學高分過b同學, 係一件非常光彩既事情! 今日搭巴士時, 後排有幾堆小學生, 響度講緊佢地既測驗(定考試)成績, a, b, c三個同學既對話如下:

a: 我今次常識得28分咋, 數學都係30幾分...
b: 我都係差唔多咋嘛, 常識高你11分, 數學都係40幾分咋嘛!
[好喇, 呢個時間, 我有諗過, 佢地份卷應該唔係一百分滿分!]

a: c同學, 你今次考成點呀?
c: 常識我今次有83分呀, 數學就76分...
[呢個時間我敢肯定, 份卷係一百分滿分!!]

a: 今次阿邊個常識都係得20幾分, 阿邊個邊個又係得30幾分...
b: a同學呀, 我地唔好同c同學講野, 佢咁高分!
[跟住就無再同c同學講野lu...]

哈哈! 細路仔既世界, 永遠都係天真無邪既, 聽完佢地講既野之後, 突然間又諗返起以前, 小學既時間, 同o的同學仔, 又係咁樣, 邊個最高分的話, 就會扮唔妥佢, 就會扮晒睇唔起佢咁!

求學時期, 永遠都係最美好的, 最開心的, 最輕鬆的...

13:56
13.6.2006

平凡的愚人節, 三年前變得不再平凡! 這樣子就三年了...

雖然對哥哥張國榮的認識不多, 但他的歌聲, 舞台上風範, 我想我這一生也不會忘記...

追

這 一 生 也 在 進 取　
這 分 鐘 卻 掛 念 誰
我 會 說 是 唯 獨 你 不 可 失 去
好 風 光 似 幻 似 虛　
誰 明 人 生 樂 趣
我 會 說 為 情 為 愛 仍 然 是 對

誰 比 你 重 要    成 功 了 敗 了 也 完 全 無 重 要
誰 比 你 重 要　狂 風 雨 暴 雨 都 因 你 燃 燒

一 追 再 追　只 想 追 趕 生 命 裡 一 分 一 秒
原 來 多 麼 可 笑　你 是 真 正 目 標
一 追 再 追　追 蹤 一 些 生 活 最 基 本 需 要
原 來 早 不 缺 少
有 了 你 即 使 平 凡 卻 最 重 要

好 光 陰 縱 沒 太 多　一 分 鐘 那 又 如 何
會 與 你 共 同 渡 過 都 不 枉 過
瘋 戀 多　錯 誤 更 多
如 能 重 新 做 過
我 會 說 願 能 為 你 提 前 做 錯

一 追 再 追　只 想 追 趕 生 命 裡 一 分 一 秒
原 來 多 麼 可 笑　你 是 真 正 目 標
一 追 再 追　追 蹤 一 些 生 活 最 基 本 需 要
原 來 早 不 缺 少
只 得 你　會 叫 我 彷 彿 人 群 裡 最 重 要
有 了 你   即 使 沉 睡 了 也 在 笑

這是一首我非常喜歡的歌曲...
哥哥的歌聲, 永遠都會留在我們身邊...

12:23
1.4.2006

朝頭早繼續去舊屋執野, 又唔知點解, 執下執下又咁多野! 無辦法繼續坐的士, 今次多謝五十五蚊! 之後約左景湖業主收樓, 仲諗住佢會扣呢樣, 扣o個樣添, 點知淨係扣左o個十日既管理費, 過程順利...

今日約左 必 氏去打羽毛球, 所以飛咁快, 返屋企執野, 出吉之島食野...

放底隻腳 勿踩有菌 -> 46號小巴上

食完野坐505去田景, 去到拎場o岩o岩好, 但係 必 氏遲到, 同埋出意外, 佢地前後只係打左十分鐘左右! 唔緊要, 下星期再黎過, 必, 瘦身在望呀... :p

返屋企打左四圈牌, 夜晚出左去食韓燒, 難得四個人, 都舉腳贊成!

8:54
16.3.2006

(閱讀全文)

九點半有堂, 八點鐘出定門口, 返到去都係九點三, 仲有時間print埋notes!

落堂去左沙田ikea, 買窗簾布, 事關荃灣o的staff講, 話沙田既貨係最齊, 而且最多, 其他分店無既款佢都有! 咦? 果然喎, 揀左好耐先揀到對迷彩窗簾布, 因為太多, 花多眼亂! 臨走前買左隻熱狗食, 五蚊, 仲諗住當係午餐, 點知...

去左葵涌拎野去印, 去到荃灣要等一個鐘, 咁就去行下之餘, 再去坐底食下野, 食哈迪斯, 兩件雞+黑椒雞飯+可樂! 好耐無食過, 對上o個次食應該係年幾兩年前既事.

磨到夠鐘先走, 拎住堆速印走, 返左舊屋一轉, 跟手執埋o的垃垃雜雜野, 執下又多o的, 執下又多o的, 拎住四袋野, 同一個背郎, 仲諗住去搭a73, 點知落到去, 連抽既氣力都無, 因為太多野喇實在! 最終截左的士, 多謝五十蚊...

望米埔, 望濕地公園, 此景難再?

人名牆, 第二幅人名牆...

返到屋企五點幾, 好餓好餓, 叮左個叮叮燒賣食, 好味道! 呢隻牌子我第一次買, 仲好食過公仔點心o個o的, 可能我鐘意食o的cheap燒賣, 多過食貴燒賣掛... :p

夜晚去左幫襯吉之島food court, 湯拉麵餐+炒拉麵餐, 又幾好食喎!

咁又一日...

8:43
16.3.2006

(閱讀全文)

嘩! 原來今日係巨物墮地一周年紀念呀, 事發係2004年12月23日, 地點係銅鑼灣ceo neway, 時間係大約九點鐘左右...

今晚去左荃灣食煲煲飯, 好好味呀! 點解出面街外既煮得咁好食, 但係自己就煮到... =.='

13:47 - 28.12.2005

(閱讀全文)

想像的事情往往與現實是必定有出入的...

到底想得到什麼, 獲得什麼, 自己應該最清楚!
一個人做事, 最希望得到的就是認同, 但不是盲目的認同...

從前曾經說過, 無論作什麼決定, 我也會在身邊支持你!

但這次我卻搞不清應否認同你的做法...
我想你現在也沒有明確目標吧!

15:11 - 22.12.2005

(閱讀全文)

我曾經唱過這首歌, 比一個人聽, 而且仲突出左以上幾句, 希望他會留意到~ 如今這個人, 由我對他當初有好感, 漸變成開始喜歡上, 到現在轉變成完全無好感, 早前尚對他懷有一點點的憎恨!

他曾經有解釋過, 事情並不是我想的那樣, 不過每次他的所作所為, 跟本不可能令人聯想到沒有目的! 朋友說身邊的朋友多, 總好過朋友少~ 對! 這番話在某些層面上, 確實是對的, 不過在我立場而言, 貴精不貴多...

大概這是他所認為的"成熟", 所認為的"有型"吧...

哈! 我記得亦都有唱過呢隻歌, 比某人聽, 不知他有沒有留意到歌詞入面內容, 又或者是背後意思了!

15:02 - 10.10.2005

我 --> 我會選擇返到去, 新屋入伙, 好趕既情況下收樓, 咁o岩月尾, 好記得淨返三千幾蚊, 七點收樓, 要響o個晚所有舖頭關門之前, 要買全屋傢俬, 電器, 用品!

講真買傢俬件件都起碼過千, 仲要買電器呢! 要響呢幾個鐘入面, 諗到買乜野, 決定買o的乜, 真係有一定既難度(對我黎講!)~ 當年買左好多平野, 講真o個句, 平野真係無好野, 最起碼屋企既清潔用品一定唔可以平!

仲記得日本城八蚊支"全效能清潔劑"我都買得出! o個把咁既十蚊地拖就拖到我死咁滯~ 去ikea訂傢俬, 特價同平既就買, 簽得咭就簽, 唔簽得既就睇下係唔係必要~ 好記得行過有間兩蚊店, 全間舖頭既野都係兩蚊雞, 最終就響入面執左好多野返去...

記得o個晚十一點, 已經買晒全屋要用既傢俬, 電器, 用品, 仲返埋去新屋度整好晒o的野, 因為o個一晚已經要響o個度訓~ 好趕, 不過o個晚係我咁多年入面, 最開心同埋我覺得最值得懷念既一晚...

我會選擇既三個鐘就係咁, 唔知你地又會揀邊三個鐘呢?

17:38 - 27.9.2005

兩個人相處, 最緊要既係100%坦白, 100%誠實!

朋友話呢個世界咩人都有, 有d人明明做左但都可以都唔認, 仲要發返脾氣鬧你唔信佢! 仲話鍾意多d果個, 通常都要付出多d...

之不過我相信你唔係咁既人!

我相信你, 我相信你無做過~ 不過唔希望唔好用呢個相信, 去掩飾住一o的野...

10:02 - 14.9.2005

仲補返我既生日 (total其實有五位都有八月生日... :p)

仲有幾張相今晚先upload... 包括同"新娘"影相... :p

11:05 - 8.9.2005

朝早搭269c返工, 好勁一上車就訓, 訓到去牛頭角先醒, 我諗有朝肯定訓過站! 想買腸粉食又賣晒, 叫我要多五蚊燒賣補數, 因為佢係十蚊個餐, 燒賣+腸粉+凍飲~ 最終都係買左腿蛋治食, 我話要熟蛋都唔駛熟成咁架?!

繼續做野, 收工先再寫!

13:52 - 11.8..2005

碟飯好大碟, 菠蘿真係有好多, 豬頸肉炒埋晒一邊, 加埋杯百香果茶, 廿九蚊! 有人食o左秘製雞扒米粉, 不過黎o左米線~ 野食無以前咁好食, 間舖就十年如一日, 一樣咁殘! 所謂雪泡, 即係杯野底底度, 有好多一粒粒唔知乜野響度… =.=’

諗返起以前, 呢間係必食既餐廳, 其實嚴格黎講, 呢度似飯堂多o的~ o個陣時連銀座都仲未起, 連景湖美湖都未, 新北江就係唯一同區入面最大最多野睇既商場, o個陣時都幾高級下, 仲有間八佰伴響度~~

不過咁多年之後, 時間過o左就過o左, 跟本無得呃人! 商場殘o左好多, 以前既高級商場款, 變成今時今日街坊商場, 八佰伴變o左做散舖, 賣既都係街坊裝, 新榕記執埋, 換黎既係”竹下通”商場~ 明明係頂樓, 唔知點解係都要話自己係”竹下通”商場…!!

唔覺唔覺又十幾年, 由淨係返學放學去街, 變成返工放工訓覺既生活, 人地話十年一轉變~ 我就話我十年如一日, 乜都無變, 唯一變既, 就係身邊事物人物轉變…

食完野去o左銀座百佳, 買下買下又二百蚊, 有人越行越快掉低o左我呀, 嗚! 返到去打機, 竟然打爆機…!!!

10:38 - 02.8.2005

]]> http://treebb_kch.mysinablog.com/index.php?op=ViewArticle&articleId=5036 http://treebb_kch.mysinablog.com/index.php?op=ViewArticle&articleId=5036 http://treebb_kch.mysinablog.com/index.php?op=ViewArticle&articleId=5036 Mon, 01 Aug 2005 11:43:01 +0800